মিলন Class 12 Question Answer | AHSEC Class 12 Assamese all solution | মিলন কবিতাটোৰ সম্পূৰ্ণ প্ৰশ্ন উত্তৰ | HS 2nd Year Class 12 question Answer
| Chapter Name | মিলন |
| Author | নলিনীবালা দেৱী |
| Class | 12 |
| Chapter No | 03 |
| Course | AHSEC |
মিলন Class 12 Lyrics
মূল পাঠ:
কোনে কয় নেদেখি তোমাক
মৰতৰ মানৱ লোকত?
তুমি চিৰ গোপন দেশৰ
আছা মোৰ নিজান কোণত।
সপোন পাৰৰ তুমি
প্রভু মোৰ আৰাধ্য পৰম
মানসৰ তীৰে তীৰে
দিয়া আহি নিতে দৰশন।
নিশা আহে জ্বালি লৈ
জোনাকীৰ উজল দীপালি।
আকাশৰ তৰাৰ শাৰীয়ে
গায় নিতে মঙ্গল উৰুলি।
গধূলিৰ ম্লান এন্ধাৰত
ধিয়ানৰ সপোন পাৰত
তোমাৰ লগত মোৰ
নিতে দেখা আকুল সুৰত।।
যেতিয়া দোভাগ নিশা
সাৰহীন নিসুতি জগত
টোপনিত লাল কাল
অচেতন সপোন মোহত।
নিৰল পাটিত দেহ
ভাগৰুৱা তন্দ্ৰাৰ কোলাত
নিতৌ তোমাৰে দেখা
মানসৰ কল্প কাননত।
ঊষা আহে সোণালী সাজেৰে
গাঁথি লৈ নিয়ৰৰ মালা
পথীটিও নীৰব তেতিয়া
প্রকৃতিও তেনেই নিৰলা।
পুৱতিৰ শুভ লগনত
অৰুণৰ ৰঙা পোহৰত
তোমাৰ লগত মোৰ
অনন্ত মিলন
নিতে দেখা শেৱালি বনত।।
মিলন কবিতাৰ মূলভাৱ
HS 2023 ৰ পৰীক্ষাত কবিতাটোৰ মূল ভাব প্ৰশ্নটো আহিছিল
উত্তৰ: অতিন্দ্রীয়বাদী কবি নলিনীবালা দেৱীৰ মিলন কবিতাটি আধ্যাত্মিক চেতনা প্রতিধ্বনিত হোৱা এটি সুন্দৰ কবিতা। কবি যিহেতু এগৰাকী ভাৰতীয় বেদান্ত দর্শনৰ অনুৰাগী, সেয়ে মিলন কবিতাটোত তেওঁৰ ভগবৎ-প্রীতি গভীৰ ভাবে প্রকাশ পাইছে।
ঈশ্বৰ নিৰাকাৰ। মানৱ লোকত ঈশ্বৰক কোনেও দেখা নাই। কিন্তু কবিয়ে এই নিৰাকাৰ ঈশ্বৰৰ অস্তিত্ব তেওঁৰ মনৰ নিভৃত কোণত অনবৰতে অনুভৱ কৰে। পৃথিবীৰ সকলো বিষয়ৰ মাজতে তেওঁ পৰম-জনৰ অস্তিত্ব উপলব্ধি কৰে। নিশাৰ জোনাকীৰ পোহৰ, গধূলিৰ তৰা-ভৰা আকাশ, ঊষাৰ হেঙুলী কিৰণ, এই আটাইবোৰৰ মাজত কবিয়ে দেখা পায় ঈশ্বৰৰ অস্তিত্ব। ৰাতিপুৱা সূর্য উদয় হোৱাৰ পিছৰে পৰা নিশা গভীৰ নিদ্রাত পৰালৈকে প্রতিটো ক্ষণতে কবিয়ে পৰমজনৰ অস্তিত্ব ভিন্ন ভিন্ন ধৰণে অনুভৱ কৰে, আৰু তেওঁ এই অনুভৱক পৰমজনৰ – সতে অন্তহীন মিলন বুলি অভিহিত কৰে। এয়ে হৈছে ‘মিলন’ কবিতাটিৰ মূলভাব।
মিলন class 12 question answers
আর্হি প্রশ্ন:
(ক) অতি চমু প্রশ্ন: (প্রতিটো প্রশ্নৰ মূল্যাংক- ১)
১/ নলিনীবালা দেৱীক কি কবিৰূপে জনা যায়?
উত্তৰ: নলিনীবালা দেৱীক অতীন্দ্রিয়বাদী কবি ৰূপে জনা যায়।
২/নলিনীবালা দেবীৰ আত্মজীৱনীখনিৰ নাম কি?
উত্তৰ: নলিনীবালা দেৱীৰ আত্মজীৱনীখনৰ নাম ‘এৰি অহা দিনবোৰ।’
৩। ‘জাগৃতি’ কাব্য গ্ৰন্থখনৰ মাজেৰে কবিৰ কি মনোভাব প্রকাশ পাইছে?
উত্তৰ: জাগৃতি কাব্যগ্ৰন্থখনৰ মাজেৰে কবিৰ স্বদেশপ্রেমৰ মনোভাব প্রকাশ পাইছে।
৪/মিলন’ কবিতাটিত কবিয়ে ‘তোমাৰ’ বুলি কাক বুজাইছে?
উত্তৰ :’মিলন’ কবিতাটিত কবিয়ে ‘তোমাৰ’ বুলি তেওঁৰ চিৰ আৰাধ্য দেৱতা অৰ্থাৎ ভগৱানক বুজাইছে ।
৫/নলিনীবালা দেৱীয়ে কোনখন কাব্যগ্রন্থৰ বাবে সাহিত্য অকাদেমি বঁটা লাভ কৰিছিল?
উত্তৰ: নলিনীবালা দেবীয়ে ‘অলকানন্দা’ কাব্যগ্রন্থৰ বাবে সাহিত্য অকাদেমি বঁটা লাভ কৰিছিল।
(খ) চমু প্রশ্নঃ (প্রতিটো প্ৰশ্নৰ মূল্যাংক ২ অথবা ৩)
১ । নলিনীবালা দেৱীয়ে ৰচনা কৰা দুখন জীৱনীৰ নাম লিখা।
উত্তৰ: ‘স্মৃতিতীর্থ’ আৰু ‘বিশ্বদীপা।
২। কবিৰ পৰম আৰাধ্যজনে আহি নিতে তেওঁক কেনেকৈ দৰ্শন দিয়ে?
উত্তৰ: কবিৰ পৰম আৰাধ্যজনে নিতে আহি তেওঁৰ মানসৰ কল্প কাননত দৰশন দিয়ে নিশাৰ জোনাকী হৈ, আকাশৰ তৰা হৈ, আৰু ঊষাৰ হেঙুলী আভা হৈ।
৩/কবিয়ে- ‘আছা মোৰ নিজান কোণত’ বুলি কাৰ কথা বুজাইছে?
উত্তৰ: কবিয়ে সপোনে-দিঠকে পৰমজনাৰ অস্তিত্বক নিজৰ হৃদয়ৰ মাজতে অনুভৱ কৰে। সেয়ে ‘আছা মোৰ নিজান কোণত’ বুলি তেওঁৰ চিৰ-আৰাধ্য ভগবানক বুজাইছে।
৪/কোনে নিয়ৰৰ মালা গাঁথি ৰাতিপুৱা কবিক দেখা দিয়েহি?
উত্তৰ: কবিয়ে প্রকৃতি জগতৰ বিভিন্ন বস্তুৰ মাজত ভগবানৰ অস্তিত্ব বিচাৰি পাইছে। তেওঁৰ আৰিধ্য দেবতা অর্থাৎ ভগবানে ঊষা ৰূপে সোণালী সাজ পিন্ধি নিয়ৰৰ মালা গাঁঠি ৰাতিপুৱা কবিক দেখা দিয়ে বুলি কৈছে।
৫। ভাগৰুৱা হৈ টোপনিৰ কোলাত থাকিলে কবিয়ে কাক দেখা পায়?
উত্তৰ: কবিয়ে সপোনে-দিঠকে, দিনে-নিশাই প্রতিটো ক্ষণতে পৰজনৰ অস্তিত্বক হৃদয়ত লৈ ফুৰে। ভাগৰুৱা হৈ টোপনিৰ কোলাত থাকোঁতেও তেওঁৰ সানস পটত সেই পৰমজনা অর্থাৎ ভগবানক দেখা পায়।
hs 2nd year মিলন Class 12 question answer
(গ) দীঘল প্রশ্নঃ (প্রতিটো প্ৰশ্নৰ মূল্যাংক ৪ অথবা ৫)
১/নলিনীবালা দেৱীৰ কবিতাসমূহৰ মাজেৰে মূলতঃ কি ভাবধাৰা প্ৰকাশ পাইছে, তোমাৰ পাঠটিৰ আধাৰত আলোচনা কৰা।
উত্তৰ: অসমীয়া সাহিত্যত অতীন্দ্রিয়বাদী কবিৰূপে পৰিচিত নলিনীবালা দেৱীৰ কবিতাৰ স্বকীয় বৈশিষ্ট্য আছে। তেখেতৰ কবিতাসমূহত প্রধানকে আধ্যাত্মিক চেতনা সুন্দৰকৈ প্রকাশিত হৈছে। ভাৰতীয় ধর্ম, সংস্কৃতি আৰু দৰ্শনৰ প্রতি তেখেতৰ আছিল গভীৰ শ্রদ্ধা আৰু আনুগত্য। সেয়ে নিজৰ জীৱনৰ দুখ-বেদনাবোৰক ভাৰতীয় দৰ্শনৰ আদর্শেৰে বিচাৰ কৰি যি শান্তি আৰু শক্তি লভিছিল, তাক তেখেতে কবিতাৰ মাজেৰে ব্যক্ত কৰিছে। শান্ত-সমাহিত আৰু কৰুণ আকূতিৰে ভৰা কবিতাবোৰত কবিৰ আকুল হৃদয়ৰ বিননি ধ্বনিত হৈছে।
‘মিলন’ কবিতাটোতো কবিৰ আধ্যাত্মিক চেতনা প্রকাশিত হৈছে। প্রকৃতিৰ জড়-জীব সকলো বস্তুৰ মাজতে কবিয়ে পৰমজনাৰ অস্তিত্ব বিচাৰি পাইছে। পুৱাৰ পৰা নিশা গভীৰ টোপনিলৈকে কবিয়ে নিজৰ
২।’মিলন’ কবিতাটিত কবিয়ে কাৰ লগত কাৰ মিলন হোৱাৰ কথা বুজাইছে আলোচনা কৰা।
উত্তৰ: ‘মিলন’ কবিতাটিত কবিৰ অন্তৰাত্মা পৰমজনাৰ লগত অর্থাৎ সৃষ্টিকর্তা ঈশ্বৰৰ লগত মিলন হোৱাৰ কথা বুজাইছে।
কবি নলিনীবালা দেবী এগৰাকী অতীন্দ্রিয়বাদী কবি আৰু তেওঁৰ কবিতাত ভাৰতীয় বেদান্ত দর্শনৰ স্পষ্ট প্রভাব দেখা যায়। ভাৰতীয় দর্শনৰ মূল আদর্শ হৈছে পৰমাত্মাৰ লগত আত্মাৰ মিলন ঘটা, যত সংসাৰ সমুদ্রৰ সকলো দুখ- যন্ত্রণাৰ পৰা জীৱই মুক্তি লাভ কৰিব পাৰে। কবি নলিনীবালা দেবীয়েও তেওঁৰ বেদনা সিক্ত, শোকাতুৰ হৃদয়ৰ শান্তি আৰু মুক্তিৰ বাবে পৰমজনাৰ অস্তিত্ব নিজৰ হৃদয়ৰ মাজতে উপলব্ধি কৰে। পুৱাৰ পৰা নিশা গভীৰ নিদ্রাত পৰালৈকে প্রতিটো ক্ষণতে তেওঁ পৰমজনৰ অস্তিত্ব ভিন্ন ভিন্ন ধৰণে অনুভব কৰে, আৰু এই অনুভৱক পৰমজনৰ সতে অন্তহীন মিলন’ বুলি অভিহিত কৰে।
মিলন AHSEC Long question answers
৩। কবিয়ে তেওঁৰ পৰম আৰাধ্যজনক ক’ত কেনেকৈ নিতে দেখা পায় বুলি কৈছে, চমুকৈ লিখা।
উত্তৰ : কবি নলিনীবালা দেবীয়ে তেওঁৰ ‘মিলন ‘কবিতাটোত পৰম আৰাধ্য–জনৰ অস্তিত্ব পৃথিৱীৰ সকলো বস্তুৰ মাজতে দেখা পায়। তেওঁ মনো–জগতৰ তীষে তীৰে, বা মনৰ নিজান কোণত পৰম আৰাধ্যজনে অনবৰতে দৰশন দিয়ে। কবিতাটোত ব্যক্ত কৰা মতে কবিয়ে তেওঁৰ পৰমকূনক এনেদৰে লগ পায়- নিশা জোনাকীৰ উজ্জ্বল দীপালিৰ মাজত, আকাশৰ তৰাৰ শাৰীৰ লগত, গধূলিৰ ম্লান পৰা এন্ধাৰৰ বুকুত, দোভাগ নিশা নিদ্ৰাৰত অৱস্থাত অচেতন মনৰ সপোনত, ঊষাৰ সোণালী কিৰণ আৰু নিয়ৰ টোপালৰ মাজত আৰু শেৱালি বনত।
এনেদৰে কবিয়ে তেওঁৰ পৰম আৰাধ্যজনক পুৱাৰ পৰা গভীৰ -নিশালৈকে প্রতিটো ক্ষণতে ভিন ভিন ধৰণে দেখা পায় বুলি কৈছে।
৪। কবিয়ে ‘তোমাৰ লগত মোৰ অনন্ত মিলন’ বুলি কি বুজাইছে ব্যাখ্যা কৰা।
উত্তৰ: কবি নলিনীবালা দেৱী এগৰাকী অতীন্দ্রিয়বাদী কবি। তেওঁৰ কবিতাত ভাৰতীয় বেদান্ত দর্শনৰ প্রভাব স্পষ্ট। তীব্র ভগৱৎ প্ৰেম আৰু আধ্যাত্মিক চেতনাৰে তেওঁৰ কবিতা সমূহ সমৃদ্ধ। কবিতাটোত ‘তোমাৰ’ শব্দটোৰ দ্বাৰা পৰম ঈশ্বৰ পৰমেশ্বৰক বুজাইছে।
পৰমাত্মাৰ লগত আত্মাৰ মিলন ঘটাতেই জীৱই মুক্তি লাভ কৰে বুলি ভাৰতীয় বেদান্ত দর্শনে কয়। কবিয়েও তেওঁৰ সীমাহীন দুখ-যন্ত্রণাৰে ভৰা জীৱনৰ তিক্ততাৰ পৰা মুক্তি আৰু শান্তি লভিবৰ বাবে একাত্মভাবে পৰমজনৰ আৰাধনা কৰিছে আৰু তেওঁতেই নিজকে বিলীন কৰিছে। সপোনে-দিঠকে কবিয়ে পৰমজনৰ অস্তিত্বক নিজৰ হৃদয়ৰ মাজতে অনুভর করে। সেই অনুভবুকে তেওঁ ‘তোমাৰ লগত মোৰ অনন্ত মিলন’ বুলি কৈছে।
‘মিলন’ কবিতাটিৰ মাজেৰে কবিৰ আধ্যাত্মিক অনুভূতি কেনেদৰে প্রকাশ পাইছে, চমুকৈ আলোচনা কৰা
উত্তৰ : আধ্যাত্মিক মানে আত্মা সম্বন্ধীয় বা আত্মাত আশ্রয় কৰা। মিলন’ কবিতাটিত কবিৰ আধ্যাত্মিক চেতনাৰ প্রতিধ্বনি অনুভূত হৈছে। ভাৰতীয় বেদান্ত দর্শনৰ দ্বাৰা প্ৰভাৱিত কবি নলিনীবালা দেবীয়ে নিজৰ আত্মাত বিচাৰি পাইছে পৰমজনৰ অস্তিত্ব। তেওঁ সপোনে-দিঠকে পৰমজনৰ অস্তিত্বক নিজৰ হৃদয়ৰ মাজতে অনুভৱ কৰে। ঊষাৰ হেঙুলী কিৰণ, নিশাৰ জোনাকীৰ পোহৰ, গধূলিৰ তৰা ভৰা আকাশ আদি সকলো বস্তুৰ সৌন্দৰ্য সুষমাই কবিৰ ভগবৎ-প্রীতিৰ ধাৰণাক গভীৰ কৰি তোলে। কবিতাটিৰ দ্বিতীয় স্তবকত লিখিছে-
“সপোন পাৰৰ তুমি
প্রভু মোৰ আৰাধ্য পৰম
মানসৰ তীৰে তীষে
দিয়া আহি নিতে দৰশন”
এনেদৰে কবিৰ আত্মা পুৱাৰ পৰা দোভাগ নিশালৈকে তেওঁৰ চিৰ আৰাধ্য প্রভু বা পৰম ঈশ্বৰৰ সতে একাত্ম হৈ পৰে। কবিতা টোৰ প্ৰথমৰ পৰা শেষলৈকে এক গভীৰ আধ্যাত্মিক সুৰ বিৰাজ কৰিছে।
ALSO READ
| কাঠমিস্ত্ৰীৰ ঘৰ Class 12 প্ৰশ্ন উত্তৰ | Click Here |
| হস্তিবিদ্যাৰ্ণৱ পুথি Class 12 প্ৰশ্ন উত্তৰ | Click Here |
| আনন্দৰাম বৰুৱা Class 12প্ৰশ্ন উত্তৰ | Click Here |
মিলন class 12 Important question answers
অতিৰিক্ত আৰু HS 2nd পৰীক্ষাত অহা গুৰুত্বপূৰ্ণ প্রশ্ন-উত্তৰ:
১। কিমান চনত নলিনীবালা দেবীয়ে ‘পদ্মশ্রী’ উপাধি লাভ কৰিছিল? (HS18)
উত্তৰ: কবি নলিনীবালা দেবীয়ে ১৯৫৮ চনত ভাৰত চৰকাৰৰ ‘পদ্মশ্রী’ উপাধি লাভ কৰিছিল।
২। নলিনীবালা দেৱীৰ কবিতাৰ মূল সুৰ কি? (H.S.’19)
উত্তৰ: নলিনীবালা দেৱীৰ কবিতাৰ মূল সুৰ হৈছে অতিন্দ্রীয়বাদ বা ৰহস্যবাদ আৰু ভগবৎ-প্রীতি।
৩/ ‘জাগৃতি’ কাব্য গ্রন্থৰ ৰচয়িতা কোন?
উত্তৰ :’জাগৃতি’ কাব্য গ্রন্থৰ ৰচয়িতা কবি নলিনীবালা দেবী।
৪/ নলিনীবালা দেৱীৰ আধ্যাত্মিক ভাবৰ ব্যঞ্জনা প্রতিধ্বনিত হোৱা কবিতা পুথি কেইখন কি কি? (H.S’19)
উত্তৰ: নলিনীবালা দেৱীৰ আধ্যত্মিক ভাবৰ ব্যঞ্জনা প্রতিধ্বনিত হোৱা কবিতা পুথি কেইখন হৈছে ‘সন্ধিয়াৰ সুৰ’, ‘সপোনৰ সুৰ’, ‘পৰশমণি’ ‘অলকানন্দা’ আৰু ‘অন্তিম সুৰ’।
৫/ নলিনীবালা দেৱীৰ কোন দুখন কাব্যগ্ৰন্থৰ ভালেমান কবিতাত স্বদেশ-প্রেমৰ সুৰ প্রবাহিত হৈছে? (H.S’20)
উত্তৰ: নলিনীবালা দেৱীৰ স্বদেশপ্রেমৰ সুৰ প্রবাহিত হোৱা কাব্যগ্রন্থ দুখন হৈছে-‘যুগ দেবতা’ আৰু ‘জাগৃতি’।
৬। নলিনীবালা দেবীয়ে ঊষাৰ আগমণৰ বর্ণনা কেনেদৰে দিছে? (H.S.22)
উত্তর: নলিনীবালা দেৱীয়ে ‘মিলন ‘কবিতাটোত বর্ণনা কৰা মতে ঊষাই সোণালী সাজ পৰিধান কৰি নিয়ৰৰ মালা গাঁথি আহে। তেতিয়া প্রকৃতি খনো তেনেই নিৰলা বা নিজান আৰু পখীবোৰো নীৰৱ হৈ থাকে।
৮/ ‘নিসুতি’ শব্দৰ অর্থ কি?
উত্তৰ: ‘নিসুতি’ শব্দৰ অর্থ নিশ্চুপ বা নিতাল।
৯/ ‘মিলন’ কবিতাটি কবিৰ কোন খন কাব্য গ্রন্থৰ পৰা লোৱা হৈছে?
উত্তৰ: ‘মিলন’ কবিতাটি কবিৰ ‘সন্ধিয়াৰ সুৰ’ কাব্যগ্রন্থৰ পৰা লোৱা হৈছে।
১০। নলিনীবালা দেবী অসম সাহিত্যসভাৰ কোনখন অধিবেশনৰ সভাপতি আছিল?
উত্তৰ: নলিনীবালা দেবী, ১৯৫৪ চনত যোৰহাটত বহা অসম সাহিত্য-সভাৰ ত্ৰয়োবিংশ অধিবেশনৰ সভাপতি আছিল।
